Xaqiiqada Dhabta ah ee ka dambaysa "Sharciga Batroolka Soomaaliyeed" Waa
duudsin Khayraadka Shacabka Soomaaliyeed muddo 70-ka sano ee soo socota..
Waxaana la is weydiinayaa in Baarlamaanka DFKMG uu xeerkaas ansixin doono....
Akhri [Xog iyo warbixin]....
Hoggaamiyaasha
Muslimiinta iyo Khasaarintooda Maalka Dadweynaha... Akhri qormadii:
Wadaagga Batroolka
Dad-u-dhexeeyaha:
Shirkad Cusub oo gatatey Warshada kaluunka Ee Laas Qoray.
Warkan waxaa
soo tebiyey
LaasqorayNet
Dubai:-Taariikhdu
markay ahayd 12-Augost-2007 ayaa Hoteelka Land Mark oo ku yaala magaalada Dubai
ee Dalka isu taga Imaaraadka Carabta ka dhacay xaflad si heer sare ah, loosoo
agaasimay, laguna kala iibsadey hantida Warshada kaluunka ee Laasqoray.
Waxaana halkaa ka
dhacay heshiis dhamaystiran oo ay wada galeen labada shirkadood oo kala ah.
Shirkadda gadaysay ama iibinaysay Warshadii kalluunka ee laasqoray iyo loo
yaqaano Hodman Trading Company. Halkaas oo ay shirkada malkiilayaashii shirkada
Laaskoray Tuna Factory gabi ahaan ku wareejiyeen Warshadii Kalluunka Laasqoray
shirkada Hodman Trading.
Heshiiskii
halkaas ka dhacay waxaa kala saxiixday 4 xubnood oo ka kala socday labada
shirkadood. Shirkada Laasqoray Tuna Factory waxaa saxiixa wareejinta qalinka ku
duugay Mudane Mohamad Cabdi Ahmad (Buraale) iyo Mudane Xassan Faarax Bile.
Sidoo kale Waxaa iyaguna dhanka Hodman Trading Company heshiiskaas u saxiixay.
Mudane Cali Maxud Hassan (Ceelaayo) iyo Mudane Mohamad Ahmad Shiikh Saalax
(Haydh-Tuulo).
Goobta Xaflada
lagu qabaneyey ayaa waxaa kaso qayb galay dad aad u tiro badan Waxaa xafladaas
goob joog ka ahaa dadwayne aad u fara badan. Sida aqoonyahano,issimo,ganacsato
iyo culamaa'u diin si wayn looga yaqaano dalka iyo dibbadaba. Xafladaas waxaa
barnaamijkeeda xidhiidhinayay Mudane:- C/risaaq Omar Eeyf iyo Mudane:- Iidle
Cabdi Xirsi Qacle. Waxaana halkaas lagu sharfay furitaankeeda oo wacdi iyo hadal
lagu diirsady ka jeediyey Sheekh C/Xakiim Hassan Hussein. Waxaa iyaguna ka
hadlay Xaflada.
-
Mudane:- Ganacsade Cismaan Baani
-
Mudane:- Wasiir Cabdi Laahi Siyaad Cosoble
-
Mudane:- GanacsadeAhmed Cali Shire
-
Mudane:- Mohamad Yuusuf Samatar (Foosi)
Gabagabadii waxa
si dhakhso leh loo furi doona Warshada kalluunka ee Laas Qoray Tuna Factory taas
oo wax wayn ka tari doonta shaqalaynta dadka dega Magaalada Laas Qoray ee
Maakhir State.
Waana arin farxad
leh in uu soo gebegaboobo khilaafkii hakadka geliyey shaqeynta iyo wax soosaarka
warshada oo ahayd il dhaqaale oo muhiim ah. Waxa iyana ku dayasho mudan in reer
Maakhir ka fuliyaan mashaariic tan oo kala ah taas oo kobcin doonta dhamaan
Bulsha wayta gobolka Maakhir.
Bahda Laas Qoray net waxa ay u hambalyaynaysaa heshiiska
lagu garay magalaada Dubai, waxa ay u rajaynaysaa shirkada cusub iyo warshada
Laas Qoray guul, Ilahayna ha ka dhigo mid dalkeeda iyo dadkeeda anfacda.
By : Eng Ali A Yusuf
Eng Baashe Mahamud Mohamed Shire
Daawo Sawirada laga soo qaadey goontii heshiisku ka dhacayey!
ISHA: LaasqorayNet
Aug 13, 2007